Siglir tar il cuntegn
cuntegn

Exteriur Samsung sto pajar 533 milliuns dollars ad Apple

Quai ha decis ina dretgira americana en ina dispita per patentas. Samsung haja copià il design dals iPhones dad Apple, uschia la dretgira.

logos dad Apple e da Samsung.
Legenda: Samsung ed Apple han adina puspè gì dispita pervi da patentas. Reuters

Tenor la sentenzia sto Samsung anc pajar 5 milliuns dollars supplementarmain perquai ch pliras funcziuns sajan vegnidas copiadas dal concurrent american.

Gia il 2011 era Samsung vegni sentenzià da pajar 400 milliuns dollars en quest connex. Il concern sidcorean aveva lura fatg recurs cunter la decisiun. Ils dus concurrents han atgisà in l'auter differentas giadas ils ultims onns pervi da patentas.

RR novitads 06.00