Siglir tar il cuntegn

Header

L'anteriur president franzos Nicolas Sarkozy.
Legenda: Nicolas Sarkozy ha 61 onns e vul puspè daventar president da la Frantscha. Keystone
cuntegn

Exteriur Sarkozy en la mira da la giustia franzosa

En Frantscha ha la Procura publica avert ina procedura d'inquisiziun cunter l'anteriur president Nicolas Sarkozy, quai pervi da la finanziaziun illegala d'in cumbat electoral.

Concret vai per las elecziuns dal president franzos l’onn 2012. Lura duai Nicolas Sarkozy avair surpassà la summa maximala da 22,5 milliuns euros per il cumbat electoral. Quai saja vegnì zuppentà cun quint sfalsifitgads, ha ditg il procuratur public François Molins.

Pervi dal scandal era l'entira direcziun da la partida da Sarkozy la UMP sa retratga il 2014. Sarkozy sez aveva sincerà pliras giadas d'avair savì nagut da questa chaussa. La procedura è ina dira schleppa per il politicher, en vista a las mustgas che Sarkozy ha da puspè daventar president franzos l’onn che vegn.

RR Novitads 06:00

Artitgels legids il pli savens

Scrollar a sanestra Scrollar a dretga