Il coreograf, sautunz e reschissur austriac Johann Kresnik è mort en la vegliadetgna da 79 onns a Klagenfurt.Sco quai che sia famiglia ha communitgà a l'agentura da novitads APA saja el mort en consequenza d'ina insuffizienza dal cor.
Kresnik vala sco piunier dal teater da sautar modern. En sias radund 100 producziuns da saut e teater ha el adina puspè provotgà per far attent sin tematicas politicas u sociocriticas. Tranter auter ha Kresnik manà las spartas da saut dals teaters a Bremen, Heidelberg, Bonn e Berlin.