Exteriur - Scandal da la FIFA - Webb sa declera «nunculpant»
L'anteriur vicepresident da la FIFA Jeffrey Webb, ch'è vegnì extradì da la Svizra als Stadis Unids, è sa declerà nunculpant avant ina dretgira a New York. Per ina cauziun da 10 milliuns dollars è el vegnì laschà liber na dastga però betg bandunar New York.
Cuntrari a 6 ulteriurs top-funcziunaris da la FIFA suspendids era Webb sa declerà pront per l'extradiziun. Ad els vegn rinfatschà d'avair incassà daners da corrupziun en in'autezza da milliuns.
Webb pudess daventar in'impurtanta perditga per la procura publica a Brooklyn. Medias americanas speculeschan ch'el pudess cooperar cun l'accusaziun.
