Saleh bin Jamal Khashoggi haja tant la naziunalitad americana sco er quella da l’Arabia Saudita scriva l’agentura da novitads SDA citond CNN. Il figl da Jamal Khashoggi saja partì ensemen cun sia famiglia suenter che ses scumond da bandunar il pajas era vegnì annullà.
Sin il servetsch da messadis curts Twitter aveva scrit la manadra da la partiziun Orient Proxim ed Africada Human Rights Watch, ch’il figl Salah e sia family sajan «finalmain or da Riyad en en viadi en ils Stadis Unids». Avant haja el dentant stuì supportar in inscunter «crudel e bizarr» cun il prinzi ereditari Mohammed bin Salman.
Cussegl da l'UE augmenta squitsch sin Arabia Saudita
Suenter il mazzament dal schurnalist saudi-arab Jamal Kashoggi ha il Cussegl da l’UE appellà a tut ils pajas da l’Uniun europeica da betg pli exportar armas en l’Arabia Saudita.
Il cas Kashoggi saja be il piz da l’orrur ha ditg la ministra da l’exteriur austriaca Karin Kneissl envers la gasetta «Welt». Surtut la guerra en il Jemen e la crisa en il Katar stuessan bastar a l’UE per agir cunter l’Arabia Saudita.
Ier gievgia aveva il parlament da l’Uniun Europeica pretendì in stop per l’entira Europa da furnir armas a l’Arabia Saudita. Tenor il parlament da l’UE èsi probabel ch’il prinzi ereditar Mohammed bin Salman è implitgà en il cas.
RR novitads 08:00