Scenaristas e scenarists - Chauma a Hollywood è a fin

A Hollywood èn las scenaristas ed ils scenarists da film sa cunvegnids cun ils studios da film e televisiun american. Tranter quels hai dà ina dispita ch'ha cuzzà tschintg mais. La chauma n'è cunquai però betg automaticamain a fin. Las scenaristas ed ils scenarists stoppian l'emprim anc approvar la cunvegna che duai valair 3 onns. Ils sindicats avevan pretendì dapli paja e cleras reglas pertutgant il diever d'intelligenza artificiala. Co questas pretaisas vegnan realisadas en la cunvegna n'è anc betg cler.