Siglir tar il cuntegn
Inhalt

Exteriur Schanzas per cunvegna d'atom cun l'Iran creschan per Obama

Il president dals Stadis Unids, Barack Obama, ha bunas schanzas da far passar la cunvegna d'atom cun l'Iran tras il senat. La senatura dals democrats, Barbara Mikulski, ha annunzià da dir GEA a la cunvegna.

Barack Obama.
Legenda: Ils republicans teman che la cunvegna d'atom cun l'Iran maina ad ina cursa d'armament. Keystone

Uschia dastga Obama quintar cun 34 da las 100 vuschs dal senat. Quai tanschess per approvar la cunvegna, malgrà ch'ils republicans han la maioritad en il senat american.

Mez zercladur eran ils 5 stadis cun veto da l’ONU e la Germania sa cunvegnids cun l’Iran a controllas dal program atomar iranais - quai suenter blers onns da contractivas.

La votaziun davart la cunvegna d'atom cun l'Iran è l'autra emna.

RR novitads 08:00