Siglir tar il cuntegn
cuntegn

Exteriur Schef da la PKK appellescha a pasch cun regenza tirca

En la Tirchia ha il schef da la PKK, Abdullah Öcalan, appellà ses aderents a pasch cun la regenza tirca. I saja temp da terminar l'istorgia sgarschaivla e devastanta.

Ina bandiera cun si il schef da la PKK Abdullah Öcalan.
Legenda: A chaschun dal Bumaun dals Curds vegni era demonstrà en Svizra per la libertad dad Abdullah Öcalan. Keystone

Enstagl duai cumenzar ina fasa da la pasch, da la fraternitad e da la democrazia, quai ha Öcalan communitgà en in messadi per las festivitads da Bumaun dals Curds. Plinavant ha el suttastritgà da vulair terminar il cumbat armà.

Il conflict tranter la regenza tirca e la PKK dura gia dapi 30 onns ed ha custà la vita a radund 40’000 persunas.

RR novitads 17:00