Siglir tar il cuntegn

Header

cuntegn

Schef da Mafia Polizia ha arrestà il schef da la Cosa Nostra siciliana

La Polizia da l'Italia ha arrestà il schef da la Cosa Nostra siciliana, Messina Denaro. Quel era trais decennis sin fugia e tutgava tar ils criminals ils pli tschertgads da l'Italia. Sco ch'ils Carabinieris han communitgà, hajan ins arrestà el en ina clinica privata a Palermo.

La primministra da l'Italia, Giorgia Meloni, discurra en quel connex d'in grond success per il stadi.

Messina Denaro è vegnì condemnà per vita duranta. Quai pervia da divers mazzaments ch'el ha commess. Durant las audiziuns en la dretgira n'era el betg preschent. Plinavant vala el sco in dals responsabels per ina attatga da bumba sin ils investigaturs Giovanni Falcone e Paolo Borsellino l'onn 1992.

Or da l'archiv

La show dad RTR ha dà ina egliada pli pitgiva sin las fatschentas dubiusas da la criminalitad organisada – era en il Grischun.

video
RTR - La show: Mafia (Stafla 1, Episoda 15)
Or da RTR Comedy dals 18.05.2022.
laschar ir. Durada: 24 minutas 36 Secundas.

RTR novitads 11:00

Artitgels legids il pli savens

Scrollar a sanestra Scrollar a dretga