Siglir tar il cuntegn

Header

Navigaziun

Purtret da Meng Whangzou.
Legenda: Meng Whangzou, la managera da Huawei è vegnida libra, sto dentant restar a Canada. Reuters
cuntegn

Exteriur Scheffa da finanzas da Huwawei puspè libra

La scheffa da finanzas dal concern da tecnologia Huawei, Meng Wanzhou, ch’era vegnida prendida en fermanza en il Canada, è vegnida libra sin cauziun e cun cundiziuns strictas. La dretgira ha approvà ina dumonda dals advocats, il derschader na vesa betg in grond privel da fugir tar ella.

La dunna da 46 onns ha stuì pajar 10 milliuns dollars canadais per pudair vegnir ord praschun. Ella spetga sin la decisiun sch'ella duai vegnir extradida als Stadis Unids. Sin dumonda da lezs aveva il Canada prendì en fermanza ella, perquai ch’ella haja violà sancziuns cunter l'Iran.

China protesta fermamain

Il cas ha engrevgià ils ultims dis la relaziun tranter la China, ils Stadis Unids ed il Canada. Ils martgads dals pajais han reagì ord quità ch'i pudess dar in'escalaziun economica tranter la China ed ils Stadis Unids. La China ha protestà fermamain cunter l'arrestaziun da Huawei Meng Wanzhou.

Canadais arrestà en la China

La regenza canadaisa ha entant confermà ch'in anteriur diplomat canadais saja vegnì arrestà en la China. Quai ha manà a speculaziuns davart in'acziun da vendetga da la China. La regenza saja en contact cun las autoritads chinaisas.

RR novitads 06:00