Schettino er sentenzià en la segund'instanza

Passa quatter onns suenter la havaria dal bastiment Costa Concordia avant la riva taliana, è il capitani Francesco Schettino vegnì sentenzià era en la segunda instanza a 16 onns ed in mais praschun. La dretgira da recurs a Firenza ha uschia confermà l'emprima sentenzia.

purtret da Francesco Schettino Bild in Lightbox öffnen.

Legenda da maletgs: Francesco Schettino, il capitani da la «Costa Concordia» è il sulet accusà. Keystone

Quai scriva l'agentura da novitads taliana Ansa. Schettino n'è betg stà preschent avant dretgira. L'um da 55 onns è il sulet accusà.

Il schaner 2012 è il bastiment collidà cun in grip avant la costa taliana a Giglio ed ha fatg naufragi. Tar la disgrazia èn mortas 32 persunas. La dretgira ha declerà culpant Schettino tranter auter pervi da mazzament ord negligientscha en plirs cas e ch'el ha bandunà pli baud il bastiment. Schettino aveva bandunà la Costa Concordia en ina bartga da salvament, malgrà ch'i era anc persunas a bord.

La defensiun aveva pledà per in acquittament (Freispruch). Schettino po anc ina giada far recurs cunter la decisiun. El po trair vinavant il cas avant la Dretgira da cassaziun a Roma, la pli auta dretgira en l'Italia.

RR novitads 22:00