Tenor CNN Türk vegn Ekrem Imamoglu da la partida CHP sin radund 54% da las vuschs. Il candidat da la partida da regenza AKP, Binali Yildirim vegn sin radund 46%.
Quel haja concedì sia terrada e gratulà a ses concurrent. Er il president tirc Recep Tayyip Erdogan ha gratulà ad Imamoglu.
Imamoglu aveva gia gudagnà l'emprima elecziun la fin da mars. Pli tard ha l'autoritad electorala però declerà il resultat sco nunvalaivel. Quai suenter in recurs da la partida da regenza AKP.
RR novitads 20:00