Siglir tar il cuntegn

Header

cuntegn

Exteriur Schleppa per ils Tories

La partida conservativa da Boris Johnson ha pers in’elecziun cumplementara per la chombra dals deputads en la Valisa. Uschia sa reducescha la maioritad dals Tories en la chombra dals deputads sin be pli in sez.

Il candidat conservativ Chris Davies ha pers en il circul d'elecziun Brecon e Radnorshire cunter la candidata liberaldemocratica Jane Dodds. Dodds valeva sco favurita e sia victoria engrevgiescha supplementarmain a Johnson da realisar in Brexit nunreglà la fin d’october, sch’i na dat nagina cunvegna cun l’Uniun europeica.

Suenter sia victoria ha Dodds ditg ch'ella veglia sco emprim chattar Boris Johnson e dir ad el ch'el duai desister sin in Brexit dir, in Brexit nunreglà.

L'elecziun cumplementara è stada necessaria suenter ch'il conservativ Davies ha stuì dar giu ses mandat perquai ch'el era vegnì sentenzià pervi da rendaquints fauss. Davies ha concedì d'avair fatg sbagls ed ha tuttina candidà per ils Tories.

A propos Brexit: Pertge vai insumma tar il Brexit?

Video
Pertge vai insumma tar il Brexit?
Or da Actualitad video dals 06.04.2019.
laschar ir

RR novitads 06:00