La CSU perda tenor il resultat uffizial provisoric bunamain 11 puncts procentuals ed uschia sia maioritad absoluta. Ella cuntanscha anc radund 37% – uschè pauc sco dapi il 1957 betg pli. Uss è la CSU avisada sin partenaris da coaliziun per furmar la regenza. Il primminister Markus Söder ha en egl in'allianza burgaisa, sco el a ditg.
Era ils Socialdemocrats èn tranter ils perdents
Ils Socialdemocrats fan gnanc pli dal tut 10% da las vuschs. Uschia n'èn els betg pli la segund ferma partida en il parlament da la Baviera. Gliez plaz va da nov als Verds – cun radund 18%. I suondan la gruppa conservativa «Freie Wähler» cun circa 12% e l'AfD cun bun 10%. Gest anc dumagnà en il parlament da la Baviera ha la FDP, quai cun 5,1%.
Sa participads a l'elecziun èn radund 72% dals votants e da las votantas.
RR novitads 06:00