Siglir tar il cuntegn

Header

cuntegn

Exteriur Schönenberger duai unir il management da «SALT»

Il nov schef dal purschider da telecommunicaziun «SALT» - pli baud «Orange» - sa numna Andreas Schönenberger.

El surpiglia sia incumbensa mez mars, sco Salt communitgescha. Schönenberger è gia stà a la testa da Google Svizra. L'emprima finamira dal nov schef è da consolidar il management da la firma e da fullar via per la digitalisaziun da la Svizra.

Exodus dal management da Salt/Orange il 2015

El daventa successur da Johan Andsjö, ch'era sa retratg il december surprendentamain, radund 10 mais suenter la midada da possessur da la firma. La stad aveva quai gia dà demissiuns en il management da Salt; lura avevan 4 da 7 directurs bandunà la firma.

Il favrer era la «Orange» vegnida vendida a la holding privata da l'interprendider da telecommunicaziun franzos Xavier Niel.

RR novitads 09:00

Artitgels legids il pli savens