Siglir tar il cuntegn

Header

cuntegn

Sco emprim pajais da l'UE L'Austria introducescha l'obligatori da sa laschar vaccinar

L'Austria introducescha davent dal favrer l'obligatori da sa laschar vaccinar per cumbatter la pandemia da corona, quai ha decis il cussegl naziunal cun 137 cunter 33 vuschs. Nagin auter pajais da l'Uniun Europeica ha ina regla usché severa.

Persunas ch'èn scepticas envers la vaccinaziun duajan ultra da quai vegnir persvasas cun ina lottaria da fin ad 1,4 milliardas euros.

L'obligatori da sa laschar vaccinar vala per burgaisas e burgais maiorens. Excepziuns datti per dunnas en speranza e persunas che na pon betg sa laschar vaccinar pervi da la sanadad. Tgi che cuntrafa a l'obligatori sto quintar cun ina multa da fin a 3'600 euros. Las multas èn dependentas da las entradas.

Sco proxim sto anc il cussegl federal approvar la lescha, probabel ils 3 da favrer, quai vala sco formalitad. La lescha duai vegnir realisada en plirs pass, davent da mez mars duai dar controllas sporadicas tras las autoritads.

audio
Per tadlar curt e cumpact
ord RTR Audio dals 21.01.2022.
laschar ir. Durada: 1 minuta 5 Secundas.

RTR novitads 22:00

Artitgels legids il pli savens

Scrollar a sanestra Scrollar a dretga