Exteriur - Scolaras bandunan lur patria per sustegnair il Stadi islamic
La propaganda dal Stadi islamic sa drizza er en Germania adina pli fitg a dunnas giuvnas. Quai ha fatg a savair l'Uffizi federal da defensiun da la constituziun.
Entant sajan gia passa 70 dunnas tudestgas idas en Siria u l'Irac. Tranter quellas era 9 mattas minorennas.
Tenor l'uffizi federal sa drizzia la milissa da terror sistematicamain a simpatisantas ed animescha quellas da bandunar la Germania.
Arrivadas en Siria u l'Irac vegnian ellas isoladas e dadas en lètg cun Dschihadists. Tut en tut cumbattan 650 Islamists da la Germania en ils dus pajais.
