Siglir tar il cuntegn

Header

cuntegn

Scumond d'entrar L'EU serra ils cunfins per persunas che n'èn betg burgaisas

Per ils proxims 30 dis vala in scumond d'entrar en ils pajais da l'Uniun europeica. Il scumond d'entrada duai franar il coronavirus. El pertutga tut ils sgols e viadis da bastiment che cumenzan ordaifer l'UE. Ils burgais da la Svizra, dal Liechtenstein, da la Gronda Britannia, l'Islanda e la Norvegia valan dentant sco excepziuns e dastgan vinavant entrar en l'UE, quai ha la chanceliera Angela Merkel confermà il mardi.

Ils stadis commembers da l'Uniun europeica suondan uschia la proposta da la scheffa da la cumissiun da l'UE, Ursula von der Leyen. Ella spera che las controllas als cunfins interns da l'UE possian uschia vegnir schluccadas ed ils problems per pendularis e camiunists vegnian uschia sminuids. Intgins dals stadis avevan numnadamain introducì controllas el spazi da Schengen u schizunt serrà lur cunfins. En consequenza hai lura dà colonnas da plirs kilometers als cunfins.

Er la Russia serra ils cunfins

La mesira valia almain enfin l'entschatta da matg per tut ils esters senza in domicil stabel en il pajais. Quai ha communitgà la regenza a Moscau. Ultra da quai èn occurrenzas cun dapli che 50 persunas scumandadas. Fin ussa discurran las autoritads en la Russia da passa 100 infecziuns.

RTR, novitads 06:00

Artitgels legì il pli savens

Nach links scrollen Nach rechts scrollen