En l’Europa èn davent dad immediat tut ils sgols cun la Boeing 737 MAX 8 stritgads. Quai ha decis l’agentura europeica per la segirezza aviatica EASA. Il scumond vala era per la Svizra. Almain 40% da tut ils aviuns da quai tip sin l’entir mund na sgolan en il mument betg pli.
Quai suenter ch’in aviun dal tip era crudà gì la dumengia en l’Etiopia. Igl è gia la segunda crudada dad ina Boeing 737 entaifer mez onn. Enfin che las circumstanzas da la crudada na sajan betg scleridas vulan pliras firmas desister da sgols cun l’aviun.
Autras regulaziuns valan en ils Stadis unids. Là ha l'autoritad che surveglia l'aviatica annunzià, ch'i na dettia nagins problems sistematics. Perquai na dettia er nagina raschun per in scumond.
RR novitads 20:00
