Tenor il president da la cumissiun da l'UE, Jean-Claude Juncker duain tut ils pajais da Schengen avair in dretg d'armas unì. La cumissiun aveva instradà ina revisiun dal dretg d'armas suenter ils attentats da Paris.
Impedir che armas vegnan en mauns fauss
Jean-Claude Juncker ha punctuà ch'ins veglia impedir che armas vegnan en ils mauns da terrorists. Tranter auter èsi previs da scumandar armas mez automaticas da diever civil. Quai èn quellas armas che blers tiradurs en Svizra dovran. Ultra da quai na fiss i betg pli pussaivel da salvar l'arma da militar suenter avair terminà l'obligaziun da servetsch.
Cun quai che la Svizra fa part al spazi da Schengen fiss ella sfurzada da surpigliar la lescha da l’UE. L’associaziun da tiradurs Svizra ha gia annunzià sia opposiziun.
RR novitads 17:00