En il center da l'inscunter cun Miguel Díaz-Canel sajan stadas la necessitad d'abolir l'embargo economic dals Stadis Unids ed ils process da refurma economics e socials necessaris, ha rapportà la televisiun cubana.
Per abolir l'embargo economic dovri dentant ina decisiun dal congress american. Quel è actualmain dominà da l'opposiziun republicana.
Quietezza diplomatica dapi 54 onns
Il december passà eran ils presidents da la Cuba, Raúl Castro, e dals Stadis Unids, Barack Obama, sa cunvegnids sin in'avischinaziun. Dapi l’onn 1961 n’han ils 2 stadis naginas relaziuns diplomaticas. Malgrà pliras visitas da delegaziuns dals Stadis Unids exista la quietezza diplomatica dapi passa 50 onns.
RR novitads 12:00