Siglir tar il cuntegn

Header

cuntegn

Sea Watch 3 Fugitivs dal bastiment arrivads a Lampedusa

Malgrà scumond è il bastiment da salvament sut bandiera tudestga, Sea Watch 3 s'embartgà a Lampedusa. Ils 40 migrants èn vegnids registrads en l'Italia e sajan uss en in champ da fugitivs sin l'insla. Quai ha rapportà l'emettur talian RAI.

Tenor in pledader saja la chapitania da 31 onns dal bastiment Sea Watch 3, Carola Rackete vegnida arrestada immediat. Ad ella smanatschan fin a 10 onns praschun perquai ch'ella haja fatg resistenza ad in bastiment da guerra. Rackete haja ditg ch'ella sappia tge ch'ella ristgia e ch'ella saja pronta da purtar las consequenzas da sia decisiun. Il bastiment da Sea Watch 3 è vegnì confiscà.

Purtret da Carola Rackete.
Legenda: Carola Rackete, la chapitania da la Sea Watch 3 è vegnida arrestada. Ad ella smanatschan fin a 10 onns praschun. Keystone

Tschintg pajais sajan sa declerads pronts da recepir mintgamai intgins dals fugitivs: La Finnlanda, la Germania, il Portugal, la Frantscha ed il Luxemburg.

RR novitads 06:00

Artitgels legids il pli savens