Siglir tar il cuntegn
Inhalt

Exteriur Seehofer na vul savair nagut dal «Wir schaffen das» da Merkel

Quai che pertutga la dumonda da terror e da fugitivs sa distanziescha il primminister da la Baviera, Horst Seehofer, vehementamain da la tenuta da la chanceliera tudestga Angela Merkel. Seehofer è da l'avis che la Germania sto anc sa megliurar en quests secturs.

Horst Seehofer e Angela Merkel.
Legenda: La chanceliera tudestga Angela Merkel ed il primminister da la Bavaria Horst Seehofer n'han betg adina la medema opiniun. (maletg ord l'archiv) Keystone

El na possia cun la meglra buna veglia betg suandar l'expressiun da Merkel «Wir schaffen das», ha ditg Seehofer. Il problem saja memia grond e las schliaziuns memia simplas e betg cuntentaivlas. Ma el e Merkel vegnian a s’inscuntrar a moda faira, ha ditg Seehofer.

La Bavaria cun nov concept da segirtad

Seehofer vesa en il grond dumber da migrants in privel per la segirtad en la Germania. Perquai haja la Bavaria uss in dals pli vasts concepts da segirtad da l’entira Germania. Uschia duajan il dumber dals policists vegnir augmentà fin l’onn 2020.

Seehofer vesa en il grond dumber da migrants in privel per la segirezza en la Germania. La limita saja dentant er in premissa per pudair integrar ils carstgauns che hajan in vair basegn da protecziun, uschia Seehofer.

RR novitads 18:00