Seehofer haja discurrì d'ina soluziun da consens ed haja empermess a ses successur ina buna collavuraziun. Quai è l'agentura da novitads svizra DPA vegnida a savair dal circul da participants da la sesida da fracziun. Parsura da l'uniun cristian-soziala (CSU) vul Seehofer dentant restar. Il minister da l'interiur Joachim Hermann ha il glindesdi dà enconuschent ch'el resistia dad ina cuntracandidatura. L'anteriur primminister da la Bavaria Günther Beckstein è cuntent cun la predecisiun da la partida.
Unitad è impurtanta per gudagnar.
Il davos pled tar la candidatura dal favurit e dal schef futur da la CSU ha il di da partida en december.
RR novitads 10:00