Amherd vul che la Svizra po en l'avegnir prender pli savens part ad exercizis da la NATO. Tenor Stoltenberg na saja quai il mument dentant betg uschè simpel, sco el ha ditg envers las gasettas da Tamedia.
La raschun è che blers stadis commembers hajan in problem cun quai, perquai che la Svizra n'haja betg lubì a quests pajais da dar vinavant muniziun svizra a l'Ucraina. En general saja la NATO dentant pronta da collavurar pli fitg cun la Svizra.
Amherd che ha participà sco emprima Cussegliera federala al Cussegl da l’Atlantic dal nord di envers SRF ch’i saja stà ina visita impurtanta per rinforzar la collavuraziun cun ils stadis partenaris, l'UE ed er la NATO. Quai tut per meglierar anc pli fitg la segirezza da la populaziun.