Legenda:
L’inscunter tranter Raúl Castro e Barack Obama è in ulteriur pass per meglierar las relaziuns tranter ils 2 pajais.
Keystone
cuntegn
Exteriur - Segns positivs da l’emprim inscunter Obama – Castro
Il president american Barack Obama ed il schef da stadi da la Cuba Raúl Castro han discurrì durant in'ura in cun l'auter. Quai a chaschun da l'inscunter suprem dals stadis americans en il Panama.
Suenter ha Obama descrit il discurs sco sincer e fritgaivel. Els sajan abels da discurrer senza resalvas davart lur ideas differentas, co furmar ina societad. Dentant vegnian ils Stadis Unids vinavant ad auzar la vusch tar cas sco violaziuns dals dretgs umans.
Obama ha era ditg, ch'el veglia prest decider sche la Cuba vegn stritgada da la glista americana da terror. El vegnia ad examinar la recumandaziun dal ministeri da l’exteriur. Ina decisiun pudessi dar en paucs dis.
