Il mument na datti nagin segund process d'asbest cunter l'industrial svizzer Stephan Schmidheiny en l'Italia. Sco la pledadra da Schmidheiny ha communitgà, haja ina derschadra a Turin decidì ier da surdar l'accusaziun a la Dretgira constituziunala taliana.
La dretgira duai sclerir sch'in segund process cuntrafetschia al scumond da la puniziun dubla. En l'emprim process d'asbest ch'era ì a fin il november 2014 aveva la Dretgira suprema taliana declerà Stephan Schmidheiny per nunculpant.
RR novitads 12:00
sda/gc