Siglir tar il cuntegn

Header

cuntegn

Exteriur Selenskyj è il nov president ucranais

L'actur e noviz politic Wolodymyr Selenskyj è il nov president da l'Ucraina. A l'elecziun decisiva survegn l'um da 41 onns radund 73% da las vuschs. Uschia rapportan plirs emetturs da televisiun che sa basan sin instituts da perscrutaziun d'opiniun.

Il president actual Petro Poroschenko po quintar cun radund 25% da las vuschs, el ha concedì sia terrada e gratulà a Selenskyj. Poroschenko ha er accentuà ch'el restia en la politica e ch'el cumbattia vinavant per l'Ucraina. Els dovrian sforzs communabels per defender il pajais ha clamà Poroschenko a ses aderents. El bandunia uss l'uffizi, na dettia dentant betg si il cumbat.

La partida da Poroschenko ha declerà ch'ella veglia uss sa focussar sin las elecziuns parlamentaras da l'october.

Selenskyj vul liberar l'ost

Il nov elegì president da l'Ucraina ha ditg ch'el veglia en sia nova posiziun revitalisar il plan da pasch per l'ost dal pajais. Ses pli impurtant pensum saja da deliberar ses cumpatriots ord la fermanza da la Russia e da l'Ucraina da l'ost.

RR novitads 20:00

Artitgels legids il pli savens