cuntegn
Exteriur
-
Senat american refusa reglas pli severas per armas
Suenter l'attentant en in club d'omosexuals ad Orlando en ils Stadis Unids ha il senat american refusà pliras propostas per rinforzar il dretg d'armas. Las novas leschas han vulì evitar che persunas che stattan sin ina glista da terror u da scumond da sgol pon cumprar armas.
Tut en tut èsi vegnì votà uschia davart 4 propostas. Tuttas han però manchentà la maioritad en il senat che vegn dominà dals republicans. Democrats e republicans han mintgamai preschentà agens sbozs.
Avant in'emna ha l'attentader d'Orlando sajettà giu 49 persunas e blessà 53.
RR novitads 06:00
