Siglir tar il cuntegn

Header

cuntegn

Exteriur Senat sa metta cunter partenza da truppas ord Siria

En la proposta davart la quala igl è vegnì votà, han ils senaturs surtut crititgà che la milissa da terror, Stadi Islamic saja vinavant ina smanatscha. Sche las truppas vegnian retratgas, possian ils terrorists puspè sa rimnar da nov e destabilisar la regiun.

La votaziun davart la resoluziun da Mitch McConnel en il senat, da restar en ils pajais n'è però betg lianta. Il resultat è dentant stà fitg cler cun 70 cunter 26 vuschs. Tenor il text da la resoluziun pudess ina retratga da las truppas destruir ils succes cuntanschids e metter en privel la segirezza dals Stadis Unids.

Il president Donald Trump aveva publitgà il december ses plans da retrair las truppas ord la Siria e ditg ch'il Stadi Islamic saja battì. I va per radund 2'000 schuldads che duain bandunar la Siria.

RR novitads 07:00

Artitgels legids il pli savens