En l'Egipta ha ina dretgira confermà la sentenzia da mort cunter il manader da la fraternitad muslima Mohammed Badie e 13 ulteriurs commembers dal moviment scumandà, quai rapporta la televisiun statala.
23 ulteriurs frars muslims èn vegnids sentenziads a praschun per vita duranta. Ad els vegn rinfatschà d'avair planisà la cupitgada da l'anteriur president Mohammed Mursi il 2013 e d'avair destabilisà il pajais.
La dretgira ha cunquai confermà las sentenzias correspundentas da mez mars. Quellas pon anc vegnir contestadas da la dretgira suprema en l'Egipta.
