Exteriur - Separatists pro-russ fan squitsch da sa retrair or da Lugansk
Ils separatists en l'ost da l'Ucraina han appellà a las Naziuns Unidas ed a las organisaziuns d'agid internaziunalas da sa retrair da lur center Lugansk.
Ils separatists sustegnids da la Russia hajan tschentà in ultimatum fin sonda, ha fatg a savair il coordinatur per l'agid urgent da l'ONU Stephen O'Brien. El saja preoccupà da questas pretaisas.
Pervi da la bloccada dals rebels sajan radund 16’000 tonnas rauba d'agid betg arrivadas en la regiuns. Blers ospitals na possian betg pli operar pervi da la mancanza da meds narcotics.
