En la regiun da conflict en l'ost da l'Ucraina han ils separatists para cumenzà a retrair armas. Sco quai ch'els communitgeschan, vegnian las armas retratgas en etappas da la front.
La raschun è ina cunvegna cun la direcziun Kiew che vul medemamain cumenzar questa sonda cun ina retratga parziala da las atgnas armas.
Las duas partidas da conflict eran plinavant sa cunvegnidas ad ina controlla entras l’OSCE, l'organisaziun per la segirezza e la collavuraziun en l'Europa. Dals observaturs n'hai però fin qua anc dà nagina conferma per la retratga da las armas.
