Exteriur - Separaziun da la Catalugna saja exclusa
Il schef da la regenza spagnola, Mariano Rajoy, è s’exprimì cleramain cunter in’autonomia da la Catalugna. Ils 27 da settember han lieu las elecziuns regiunalas en la Catalugna.
Sche la partida sanestra Podemos gudagnia las elecziuns, lura stettia la Spagna avant in sumegliant destin sco la Grezia, ha ditg Rajoy.
Per il schef da la regenza regiunala da la Catalugna, Artur Mas, sajan las elecziuns dal settember ina buna chaschun da mussar preschientscha e per mussar che la Catalugna na veglia betg vegnir independenta, scrivan las medias.
