Siglir tar il cuntegn

Exteriur Serbia pretenda extradiziun dad Oric

La Serbia ha dumandà formalmain la Svizra d’extrader Naser Oric, l'anteriur cumandant da las truppas bosniac-muslimas en la regiun da Srebrenica.

Naser Oric
Legenda: Archiv: Naser Oric, vul s'opponer ad in'extradiziun en Serbia. Keystone

Quai ha communitgà l'agentura da novitads serba Tanjug. Naser Oric, che vegn tschertgà pervi da crims da guerra, è vegnì arrestà ils 10 da zercladur al cunfin dal chantun Genevra. A la dumonda d'extradiziun è agiuntada ina glista da crims che vegnan rinfatschads ad Oric. L’accusà vul cuntrafar ad ina extradiziun pussaivla. El na vegnia mai a sa render vivent en Serbia.

RR novitads 8:00