Il concern d’autos Fiat Chrysler aveva communitgà sonda che Marchionne sa retiria suenter 14 onns sco CEO. Quai per motivs da sanadad. En sasez saja stà planisà ch'el sa retiria il 2019.
Suenter in’operaziun vi da la spatla haja dà cumplicaziuns. Marchionne na possia betg pli cuntinuar cun sia lavur. Il Talian da 66 onns sa chattia en in stadi da sanadad critic.
A Marchionne succeda Mike Manley a la testa dal concern da Fiat Chrysler. Nov president da Ferrari – che tutga medemamain al concern – daventa John Elkann, in member da la famiglia possessura Agnelli.
RR novitads 17:00