Siglir tar il cuntegn

Header

In portaviuns banduna la basa militara da la marina a Tuolon en Frantscha.
Legenda: In portaviuns banduna la basa militara da la marina a Tuolon en Frantscha. Keystone
cuntegn

Exteriur Servetsch secret da la Frantscha impedescha attatga terroristica

Il servetsch secret da la Frantscha ha tenor indicaziuns dal ministeri da l’intern franzos impedì attatgas terroristicas sin implants militars da la marina a Toulon.

In um da 25 onns saja vegnì arrestà ils 29 d’october. Quai um saja vegnì observà durant passa in onn, ha ditg il minister da l’intern franzos, Bernard Cazeneuve. L’um ha para vulì procurar material per in attentat sur ina persuna da contact en la Siria.

Tenor Cazeneuve sajan 370 persunas vegnidas arrestadas pervi da suspect d’acts terroristics. Indicaziuns exactas davart il temp, il lieu ni persunas n’ha el dentant betg fatg. La Frantscha è quest onn gia stada pliras giadas en mira d’acts terroristics. Ella s’engascha en plirs pajais a la guerra cunter Islamists.

RR novitads 09:00

Dapli da Exteriuravrir la Landingpage

Nach links scrollen Nach rechts scrollen