- 12 turists en il Camerun èn vegnids deliberads. Set da quels èn Svizzers.
- Els èn vegnids rapinads en la regiun Nguti.
- Er ostagis indigens èn vegnids deliberads.
12 turists europeics èn vegnids deliberads or dals mauns da rapinaders en il Camerun. Quai en connex cun in'acziun da l'armada. Set dals pertutgads èn turists svizzers e tschintg talians.
ll Departament federal d'affars exteriurs a Berna ha confermà la liberaziun. ils pertutgads sajan bain en pe e lur parents sajan vegnids contactads.
Rapinament tras «terrorists armads»
Ils turists eran vegnids rapinads da «terrorists armads» en la regiun Nguti. En quella regiun cumbattan separatists per in stadi independent. Quai stat en connex cun ina discriminaziun dals anglofons entras la maioritad franzosa.
L'organisaziun da rebels principala Ambazonia Defence Forces na vul dentant avair da far nagut cun il rapinament.
Ulteriura deliberaziun d'ostagis
Tar in'ulteriura acziun haja l'armada liberà plirs ostagis indigens. Tenor indicaziuns da la regenza sa tractia da sis cussegliers communals ch'eran vegnids rapinads.
RR novitads 12:00