Suenter ina pausa da bun 9 onns èn per l'emprima giada puspè astronauts americans partids per la staziun spaziala internaziunala ISS.
Ils dus astronauts Robert Behnken e Douglas Hurley èn deterrads ier da la staziun spaziala Cape Canaveral sco ils maletgs live da l'agenzia spaziala NASA han mussà.
Ils atronauts duain arrivar oz tar la staziun ISS. La racheta dal tip «Falcon 9» è vegnida construida da l'interpresa privata «Space X» da l'interprendider sidafrican Elon Musk.
La NASA aveva terminà il 2011 ses program da Space-Shuttle. Dapi lura partivan ils astronauts americans a bord da rachetas russas tar l'ISS.