Siglir tar il cuntegn

Exteriur Shell chala da furar davant l'Alasca

Il concern d'ieli Royal Dutch Shell na tschertga betg pli ieli davant la costa da l'Alasca. Ils indizis per ieli e gas en la regiun sajan memia pitschens per giustifitgar in pli grond engaschi. Tenor atgnas indicaziuns custia questa decisiun al concern almain 3 milliardas dollars.

logo dal concern d'ieli Shell
Legenda: «La funtauna vegn sigilada e bandunada» ha communitgà Shell. Keystone

Protecturs da l'ambient avevan crititgà quests sondagis d'ieli cun vehemenza. Malgrà tut ils protests aveva il president dals Stadis Unids Barack Obama lubì il matg a Shell dastgar far sondagis d'ieli e gas en l'Arctica.

RR novitads 11:00