Shell po puspè furar per ieli en l’Arctica

Il concern d'ieli Royal Dutch Shell ha survegnì la lubientscha da tschertgar ieli, malgrà la resistenza vehementa da protecturs da la natira.

A Seattle lascha Shell preparar ina plattafurma d’ieli. Bild in Lightbox öffnen.

Legenda da maletgs: A Seattle lascha Shell preparar ina da las 2 plattafurmas d’ieli previsas per l’Arctica. Keystone

Suenter intensivas examinaziuns hajan ins dà las lubientschas correspundentas al concern d'ieli britannic-ollandais, ha annunzià il ministeri da l'intern american. Uschia dastga Shell tschertgar ieli en il lai da Tschuktschen avant la costa da l'Alasca.

Suenter ina retscha da pannas il 2012 aveva Shell interrut sias activitads en questa regiun. Tranter auter aveva l’interpresa pers la controlla d’ina plattafurma d'ieli, e 18 lavurers avevan ins stuì evacuar.

RR Novitads 07:00