La milissa terroristica Stadi Islamic ha confermà la mort da lur cumbattant Jihadi John tar ina tar in'attatga or da l'aria dals Stadis Unids en la Siria. Emwahsi Mohammed, quai è il dretg num, saja mort il november tar in'attatga cun dronas. Quai ha scrit il SI en ses magazin da propaganda online.
L'armada americana aveva già communitgà il november che Emwahsi saja tant sco segir mort. Emwahsi era in Brit naschì en il Kuwait. El era ina da las figuras prominentas da la milissa SI ed ha stgavazzà plirs ostagis dal vest. L'emprim video da l'avust 2014 mussa el co el executescha il schurnalist american James Foley. Duas emnas pli tard ha el stgavazzà il schurnalist Steven Sotloff, medemamain dals Stadis Unids.
