Siglir tar il cuntegn
Inhalt

Exteriur Si cun ella – Obama cleramain per Clinton

Per l’emprima giada en il cumbat electoral ha il president american Barack Obama sustegnì la candidatura da Hillary Clinton – e quai cun tutta vehemenza.

Obama chaminond cun mussar il polisch vers ensi.
Legenda: Barack Obama chamina tras il parc da la Chasa Alva a Washington suenter ch’el è turnà da l’occurrenza cuminaivla cun Hillary Clinton a Charlotte. Keystone

En in’occurrenza cuminaivla dad Obama e Clinton a Charlotte en il stadi federativ North Carolina ha il president american actual appellà als Americans d'eleger Clinton sco nova presidenta americana. I n'haja anc mai dà ina persuna che saja stada pli qualifitgada per il post da president che Hillary Clinton.

Trump haja dad «offrir nagut» per l'economia

Obama ha cunzunt accentuà en ses pled ils merits da Clinton sco ministra da l'exteriur. En pli ha el nizzegià l’occurrenza per attatgas novas e diras encunter Donald Trump che vegn probablamain ad esser il candidat republican per l’uffizi. Trump n’haja dad «offrir nagut» per promover l’economia. Gnanc’ils republicans savessan betg, da tge che Trump discurri.

RR novitads 07:00