SI destruescha sistematicamain bains culturals

La milissa terroristica Stadi islamic ha cuntinuà a destruir bains culturals dal vegl orient. Tenor l'universitad da Mossul hajan dschihadists siglientà ruinas da la citad Al-Hadra.

Colonnas anticas che vesan ora sco l’entrada en in tempel. Bild in Lightbox öffnen.

Legenda da maletgs: Al-Hadra che tutga tar il patrimoni cultural mundial duai esser destruì dal IS. Keystone

Ruinas da Al-Hadra

Al-Hadra è vegnì classifitgà da l'Unesco sco Patrimoni cultural mundial. En questa citad datti bain-mantegnidas ruinas da l'Assiria che dateschan dal terz tschientaner avant Cristus. Al-Hadra è circa 110 kilometers en il sid da la citad Mossul.

Terrorists filmeschan vandalissem

Avant in’emna ha il uschenumnà Stadi islamic attatgà l’anteriura chapitala assiriana Nimrud 40 kilometers davent da Mossul. En videos mussian ils terrorists co els destrueschan bains culturals.

RR novitads 15:00