Exteriur - SI devastescha bains culturals singulars antics
En l'Irac dal nord cuntinuescha la milissa terroristica Stadi Islam SI da devastar bains culturals singulars antics. Cumbattants da la SI hajan assaglì la veglia citad Nimrud, communitgescha il ministeri per il temp antic da l'Irac.
Sin sia pagina da facebook ha il ministeri fatg a savair che la SI haja cumenzà da devastar ils lieus antics da Nimrud cun vehichels da militar grevs. Nimrud è ina citad da ruina assirica en il sid da Mossul. Nimrud è vegnì fundà bunamain 1300 onns avant Cristus ed è temporarmain stà la chapitala da l'Assiria.
