Siglir tar il cuntegn

Header

cuntegn

Exteriur SI è responsabla per las attatgas a Beirut

La milissa terroristica Stadi Islamic è sa declerada responsabla per las duas attatgas a Beirut. Tenor ina decleranza en l'internet saja ina bumba detunada sin in töf datiers d'ina gruppa da Schiits. Curt suenter haja in attentader da suicidi envidà sia tschinta explosiva datiers dal medem lieu.

L'emprim aveva la polizia communitgà che 2 attentaders da suicidi hajan envidà lur tschintas explosivas avant in center da cumpra en il quartier Burdsh al-Baradschne, Quest quartier vala sco in center da la Hisbollah schiita.

L’attentat è stà l’emprim en ils quartiers dal sid da la chapitala dal Libanon dapi il zercladur 2014. Tranter fanadur 2013 e favrer 2014 aveva quai dà 9 attatgas en centers da la Hisbollah. En il blers cas eran extremists sunnits sa declerads responsabels per las attatgas.

RR novitads 22:00

Dapli da Exteriuravrir la Landingpage

Nach links scrollen Nach rechts scrollen