Sid da l'Europa - Naiv en la Tirchia ed en Grezia

En la Tirchia hai dà naiv ch'ha bloccà parzialmain il traffic e la vita publica. Plirs sgols dals dus eroports dad Istanbul èn vegnids stritgads. Tenor prognosa vegni era a naiver en la Grezia ils proxims dis. En pliras regiuns vala in obligatori da chadainas che vegn controllà rigurusamain. Pir avant paucas emnas aveva la naiv chaschunà in grond chaos da traffic tant en la Grezia sco er en la Tirchia.