Siglir tar il cuntegn

Header

video
Forzas da salvament al lieu d'accident
Or da News-Clip dals 21.03.2022.
laschar ir. Durada: 9 Secundas.
cuntegn

Sid da la China Crudada intenziunada da l'aviun en China?

La crudada d’in aviun da la «China Eastern Airlines» cun 132 unfrendas il mars n’è tenor in rapport d’ina gasetta americana betg stà in accident, mabain è capità intenziunadamain. Datas dal sgol mussian ch’insatgi dal cockpit haja laschà crudar la Boeing 737 cun intenziun. Quai rapporta il «Wallstreet Journal» che sa referescha ad indicaziuns dad insiders.

Las circumstanzas da la crudada èn dapi l’entschatta stadas misteriusas: L’aviun è crudà radund 300 kilometers en il vest da la metropola Guangzhou en ina cuntrada da collinas. L’accident saja capità datiers da Wuzhou en il sid dal pajais. La televisiun statala chinaisa CCTV ha rapportà ch'ins n'haja chattà nagins survivents.

L'aviun cun il numer MU5735 era da viadi da Kumming en la provinza Yunnan a Guangzhou en la provinza Guangdong.

Carta da l'accident
Legenda: SRF

Las autoritads chinaisas han confermà l'accident, tenor l'autoritad aviatica a Peking èn 132 persunas stadas a bord, 9 da quellas èn commembers da l'equipa.

RTR novitads 10:00

Artitgels legids il pli savens