La banca naziunala americana, la Fed ha concedì d'avair fatg sbagls en connex cun il collaps da la Silicon Valley Bank il mars passà. Bain saja il management da ristgas schlet da la banca la raschun principala dal collaps.
La surveglianza da la banca saja dentant era stada insufficienta e las regulaziuns sajan memia flaivlas. Quai communitgescha la Fed, e di da vulair examinar co la surveglianza observia e reguleschia ristgs da liquiditad.