Silvester a Cologna: Sistì bleras proceduras

A Cologna ha la procura publica sistì radund la mesadad da las proceduras cunter persunas suspectadas pervi d’abus sexuals sin dunnas la notg da Silvester. Fin uss èn 18 persunas vegnidas sentenziadas.

Staziun da Cologna. Bild in Lightbox öffnen.

Legenda da maletgs: Procura publica ha sistì var la mesadad da las proceduras cunter persunas suspectadas Reuters

Sco la procura publica da Cologna ha confermà a l’agentura da novitads dpa èn 333 persunas vegnidas suspectadas. Da las radund 270 proceduras inoltradas èn uss circa 125 vegnidas sistidas.

La notg da Silvester aveva ina gruppa dad umens mulestà pliras dunnas a la staziun principala. Els hajan mulestà sexualmain ed engulà rauba. Perditgas ed unfrendas han inditgà che quai saja stà per la gronda part umens d'origin nord-african ubain arabic. La lavurgiuridica era davent da l'entschatta difficultusa - la situaziun sin la plazza avant la staziun principala era caotica. Savens han las unfrendas betg pli pudì indentifitgar lur delinquents.

Fin quest december èn passa 1'200 denunzias penalas vegnidas elavuradas en quest connex, conferma la procura publica.

RR novitads 12:00